《讀者投稿》
擺酒結婚金器長篇下
我99由我坐完月果日開始，成日過大海，又成日唔返嚟，就算返嚟，都只係訓個教又再過去。
到咗新年年頭，我大掃除，當時我女差不多1歲，果排我99突然對我好好，於是我就想孝順佢，幫佢間房大掃除埋。
當時我99唔喺屋企，我一直以為啲金器，佢係收埋咗喺大陸或者其他地方。我執執下野，發現到當時結婚放金器果個行李箱。我單純想拎啲金器出嚟望下，點知啲金器得返個盒，入面無哂野。
我起初仲同自己講，應該係佢分開咗啲野放姐。
但我逐個開嚟睇，見到得返某幾個盒有野喺到。我將件事同咗我好朋友講，佢就話實係你99爛賭到輸到無錢還啦，如果唔係點解得返個盒？如果係想放好啲野，就唔會放啲唔放啲啦。
朋友叫我唔好甘蠢，甘傻仲信佢，叫我拎件事出嚟鬧爆佢，但我無甘做，免得真係我誤會咗佢就到時尷尬，件事就我錯晒了。
我只係將件事同咗我老公講，我老公起初聽到就話可能係放咗喺其他地方姐，之後佢就無咗件事。
好喇，講到黎呢到，唔知有無人有心機睇哂。我呢篇只係講結婚擺酒同金器部份，其他野，仲有好多野我未講。
下回再講，希望唔好嫌我長氣。
希望有人有心機睇哂。謝謝。
＃我的極品四大長老
Search